囡囡發脾氣陳芷菁主動Say Sorry

藝人陳芷菁昨日以兒童遊戲治療師身份，分享以紙牌遊戲促進親子溝通的心得，育有一女的她表示經常跟囡囡玩紙牌遊戲：「玩遊戲可以測試到智能，仲可以減壓，防止抑鬱。」芷菁透露女兒同校的師姐在開學一星期後跳樓身亡，令她更加關注女兒。她指女兒現就讀國際學校Grade 10，讀書壓力開始大，又稱女兒踏入青春期後有點反叛：「試過一次佢發脾氣，我話你發脾氣，我唔睬你。不過之後我主動同佢道歉，我話我都有唔啱，應該要了解佢因咩事發脾氣。我哋事後訂立咗個規則，亦因為呢次，我哋成為最好嘅朋友。」