李彩華預告性感開騷歡迎男友踩場

藝人李彩華（Rain）昨日穿上白色網紗透視衫出席個唱記者會，她透露本想在11月生日時開騷，但因沒期，故在十月底假旺角麥花臣場館舉行。首次開個唱的她受訪時表示現時還未緊張，但臨近幾日應該會緊張。Rain又預告會性感上陣，笑言比演唱會海報上只穿Bra及短褲的造型更激：「應該會勁過呢個，咁條褲短啲都叫勁啲。（男友何遠恒使唔使過目？）唔使，佢好信任我嘅團隊唔會超級過分。」她指男友會前來支持，問可會叫男友上台？她笑言：「睇你哋到時嘅力量，睇你哋扯唔扯到佢上去。」

男友陪運動練氣

Rain透露屆時會唱別人的歌，問可會唱舊愛林峯的歌？她即說：「吓！應該唔會(口既)。」但之後笑言：「但可以度一度，我嘅Rundown隨時變得。」不愛做運動的她，現時努力為個唱Keep Fit及練氣：「我驚跑步會腳粗，所以就快行，發現原來行一個鐘都OK，可以繼續。（叫埋男友一齊做運動？）佢鍾意做運動，所以有伴，其實佢一直有叫我做運動，但我之前都冇理佢。」

嘉賓保證有驚喜

嘉賓方面，Rain保持神秘未有透露，問到可會是曾合唱的蘇永康？她只說：「唔知呀，但一定會有驚喜。」講到她開騷沒有新歌，她笑言：「使咩新歌，我成日喺內地拍劇，依家啲新歌我都唔識唱，反而唱舊歌大家有共鳴。」談到之前上無綫節目《流行經典50年》被網民指認不出，她笑言：「我就係咁嘅樣，唔明點解大家會唔認得，但開心大家起碼有睇我嘅表演。可能係個髮型唔同，藝人形象多變，所以大家唔認得係正常。」並表示不會對這些事太上心，否則很易有抑鬱症，笑言太在意的話，甚至可能已死了很多年。

文：音樂組

攝：黎志輝