側田巡唱騷門票3粒鐘掃清
歌手側田將於12月8及9日假紅館舉行「側田CHAPTER FREE巡迴演唱會2017香港站」，門票昨日公開發售，短短三小時火速售罄，未能撲飛的「田迷」紛紛在網上留言希望偶像可加場，由於紅館檔期有限，加上今次側田獲批日期不多，故加場有點難度。
愛錫歌迷的側田正考慮明年舉行個唱Part 2，他說：「好多謝呢12年一直支持自己嘅歌迷，一路陪我成長，依家好High。」隨即自爆收到門票爆滿消息後，在家中興奮得跳Freestyle舞，他笑說：「都唔知係乜舞。」並誇下海口說：「反應咁好，真係唔露唔得，等我諗吓除咗露一舊腹肌外，仲有乜可以露先。」