肥媽叫觀眾着定尿片入場
藝人肥媽與李麗霞（黑妹）昨日為11月17及18日假伊館舉行的《黑‧媽媽笑住唱演唱會2017》開記者會，兩人指這次棟篤笑與唱歌各佔一半，更呼籲觀眾帶定紙巾及着定尿片入場，以防笑到喊或瀨尿。
受訪時，黑妹表示大家會在肥媽家中開會：「因為我哋笑得太嘈，唔可以出外面傾，同埋肥媽有好多鮑參翅肚畀我哋食。」肥媽則指導演錢國偉怕她們屆時會講到超時，所以叫她們一定要戴耳機聽他指示。問到可會講成人笑話？肥媽笑說：「我唔會將啲生殖器官、粗口講出嚟，你諗到咩係你有歪念啫，但唔關我事！」
至於可會邀請好友葉振棠與其新伴侶來睇騷？黑妹坦言不知對方有新歡，肥媽則說：「我哋會請佢嚟睇，但佢嚟唔嚟、同邊個嚟就唔知喇。」