薛家燕拉隊登台黎諾懿(舌累)飯應

無綫劇集《燦爛的外母》一眾演員，昨日現身銅鑼灣一間足浴店為兩位劇中的外母薛家燕及雪妮按摩，甄詠珊為雪妮揼骨時更不慎露出胸墊，春光乍洩！

薛家燕指劇集在馬來西亞甚受歡迎，有意率領劇中演員到當地登台，她說：「睇吓邊個唱得，湯洛雯都OK，原本想排新年，點知套劇早咗出！」此外，她主持的無綫節目《流行經典50年》將衝出香港，與其他節目主持人曹永廉、湯寶如等十月到馬來西亞演出，而邀請方更想請她唱《燦》劇的主題曲，她說：「想搵埋香港啲學生去演出，個個扮外母又唱又跳！」

見錢開眼唱飲歌

黎諾懿聽到薛家燕有意帶出埠商演即叫好，被問歌藝如何？他笑說：「咁問梗係OK啦，我呢啲見錢開眼，要賺奶粉錢！」他又指自己有四首飲歌，其中《大熱》是由鄧健泓教他。

甄詠珊烏身為雪妮揼骨。	雪妮	黎諾懿即席為薛家燕洗腳，望對方帶挈賺奶粉錢。

湯洛雯自薦做歌手

而湯洛雯則直言入行時想做歌星，更笑指不如自薦去星夢娛樂做歌手，談到曾有無綫小花唱歌被網友剪輯成短片惡搞，當中李佳芯唱《小幸運》最為「知名」，她笑謂：「係咩？我冇聽過，人靚咪得囉！」

文：影視組