舊愛鍾鎮濤：為佢加油

陳秋霞接受手術病愈後，首次公開露面是捧場睇譚詠麟及許冠傑的紅館演唱會，阿倫昨日受訪時說：「事前唔知佢病，係佢喺騷前嚟後台送本新書畀我，我先知道佢病好。嗰下都有啲愕然，有半秒擔心，但見佢容光煥發，立即放心晒！」許冠傑亦透過演唱會總監蕭潮順表示：「我啱啱先知佢病過，多謝佢咁有心嚟捧場，祝佢身體健康，等佢嚟香港時我哋再約見面！」陳秋霞的舊愛鍾鎮濤則回應：「久不久都有同佢聯絡，但唔知佢病，為佢加油，呢個病好番嘅機會好大。」