愛情點保鮮？吳千語：冇o架啦！李玟最冧老公送花
藝人吳千語、李玟與馬詩慧等昨晚出席皮具品牌活動，千語透露下月初將到大陸拍劇，逗留幾個月，故下月的生日、聖誕節、甚至新年都會於劇組度過，問男友林峯會否度期陪她慶祝，她說：「都難，要兩個一齊就要推晒啲工作，冇乜可能。」對於男友表示為爭取時間見面會一齊過夜，她認為是正常事，至於會否怕被看見素顏，她說：「都冇咩未見過，一齊咗五年！（似老夫老妻？）大時大節都冇咩感覺，以前都仲有，人大咗覺得過唔過都係咁。（感情點保鮮？）冇(口架)啦！冇需要，各自有嘢忙，冇時間去諗就OK，互相支持就係最好嘅保鮮方法。」
相反忙於巡迴演唱會的李玟，則Sweet爆表示老公每一場都會送花，兩人即使婚後仍如拍拖般甜蜜。提到演唱會，她表示最希望能夠在紅館開騷：「每個月都有入紙，一直申請唔到，好傷心。」
同場的永安太子爺郭永淳與太太楊愛瑾到場，問到嬸嬸秦萍身後事處理事宜，郭永淳不願受訪，楊愛瑾說：「交畀屋企人處理，詳情唔方便講。（嬸嬸畀你印象點？）好少機會見到，印象中見過一、兩次。」
