蘇志威大女唔入U 學師追甜品夢
歌手蘇志威與細女蘇靖珺及藝人楊思琦昨日出席活動，蘇志威表示18歲大女蘇君蕎剛中六畢業，雖然夠分入大學，但決定追尋夢想，不再升學，他說：「佢想去做13歲已經開始學嘅甜品，依家喺五星級酒店跟師傅學師攞經驗，出年再去日本深造幾年。」他坦言暫時不會打本予女兒開舖，但會做其後盾：「想佢用自己雙手去闖，都好放心畀佢做。佢起碼冇經濟壓力，畀心機搵自己夢想就得。」又指細女希望將來當時裝設計師。
楊思琦扮早瞓
至於楊思琦透露現時就讀國際學校一年級的女兒楊卓穎已習慣開學步伐，幫女兒調整睡眠時間同時亦為了自己：「有時兩、三點先瞓，之後六點起身，我覺得好辛苦。我都有試過扮瞓去等佢早瞓，但有時唔成功，因為佢慣咗好晏瞓覺，希望再多啲扮瞓。」
文：名人組