葉蒨文行街當做運動

葉蒨文（沙麗）昨日為「世界心臟日2017」的健康講座擔任演講嘉賓，她表示要保持開心生活，留意生活方式如飲食及運動，例如出街食飯路程有10多條街，她會選行8條街才搭車，在家亦不時做運動，如每朝起床都在床上運動拉筋10分鐘，睡前又會練一字馬。問到老公林子祥（阿Lam）可會一齊做運動？沙麗說：「佢喺另一間房！佢好Fit，大家各有各方式做，我係打羽毛球、高爾夫球同跳拉丁舞。阿Lam佢食嘢似雀仔，啄少少咁食！佢唔食就推埋畀我！」