菊梓喬揀男友 要半肥瘦

歌手菊梓喬昨日出席今晚在九展舉行比賽的YOKKAO 25 & 26 Muay Thai的過磅儀式，她表示入行前曾經打泰拳一年，想過參加拳賽：「簽咗公司後佢哋唔贊成我打，驚我打到毀容。（試過打傷面？）整傷手腳會多啲。」問到可喜歡肌肉男？她笑說：「我覺得佢哋太乾、太鋼條喇！好似冇脂肪咁，我鍾意有番啲肉，唔可以太瘦。」
咪睇菊梓喬斯斯文文咁，原來打過泰拳！
咪睇菊梓喬斯斯文文咁，原來打過泰拳！

同場的藝人白雲透露去年開始學泰拳，將於新劇飾演女保鏢時可學以致用，現時積極減肥，希望再瘦10磅。問到老公喜歡她有肉地還是瘦？白雲笑說：「男人梗係話你有肉地OK！不過我覺得佢鍾意我瘦多啲！」

白雲（左）學泰拳減肥，希望再瘦10磅。
  • 白雲（左）學泰拳減肥，希望再瘦10磅。