鄭融谷微波 兩度甩嘴

連詩雅（Shiga）、鄭融一連兩場演唱會前晚揭開序幕，圈中好友鍾舒漫、鄭欣宜、方皓玟等到場支持。兩女以黑白Look配勁歌熱舞登場，其後又換上bra top谷「微波」。Shiga坦言好緊張跳舞部分，因非強項，感激鄭融在排舞時的包容。鄭融演繹Shiga的《到此為止》及方皓玟的《你是你本身的傳奇》時，兩度甩嘴，她向台下的方皓玟說：「多多包涵，好耐冇喺舞台同大家見面，有啲緊張，不過緊張唔係藉口，盡量enjoy啦。」完騷後鄭融對甩嘴說：「第二場會表現得好啲。」消瘦了四磅的Shiga操不到腹肌及人魚線，大嘆白費心機。提到她致謝樂隊時，緋聞男友徐浩零反應，Shiga說：「佢要有咩反應呀？（佢望都唔望你！）我都冇望佢喎。」