朱千雪過聖誕要Job唔要仔
李佳芯與朱千雪昨日出席鞋具品牌活動，穿露背裙的李佳芯發表「揀鞋論」，認為揀鞋和揀男友的共通點是最緊要舒服，她說：「通常外表愈靚嘅高踭鞋着上去愈痛，最後着到損晒。（男友陳炳銓符合要求？）做朋友OK，暫時相處舒服，同埋性格都夾。（男友似波鞋？）暫時未係波鞋，係平底鞋，可以係舒服嘅。」
同樣已有另一半的朱千雪，同意選伴侶要相處舒服：「如果溝通唔到，相處會辛苦。（同男友Justin相處舒服？）OK呀，舒舒服服慢慢嚟。」又指男友不慣上鏡，故代為求情，着傳媒不要再偷影男友，希望低調拍拖。她表示慶幸與男友幾月才見一次面，因她忙住開學，下次見面要到聖誕節。她更揚言若聖誕有工作，寧願取消拍拖約會，亦不會推掉工作。