黃麗梅北上開舖做點心王后
以金句「魚有魚味、雞有雞味」在飲食界打響名堂的前亞視藝人黃麗梅，近年主攻內地市場開設點心店，生意蒸蒸日上之際，今年更加將自家製的月餅帶回港，在飲食界大展拳腳。
自從亞視熄機後，不少藝人另謀高就殺出血路，包括轉戰無綫發展的袁文傑近期人氣急升，而飲食主持黃麗梅（May）則轉型從商經營飲食生意，事業有聲有色。她表示因喜愛吃雲吞麵，早年在廣州開過雲吞麵店，後期與朋友合資在當地開設點心專門店，營運未夠三年已榮獲五個獎項：「佢係一位出名嘅點心老師傅，我敢話舖頭喺行內係做點心一哥！」
望知音人欣賞
May主持飲食節目講飲講食，但對於經營食肆則謙虛地說：「其實一路學習緊，我會落手落腳，無論廚房到樓面邊做邊學，累積經驗！依家識點節省成本同運作，以前未做過生意，正式下海原來好辛苦！」除了點心生意，她亦推出自家製食品，包括蘿蔔糕、紅棗糕與馬蹄糕等，適逢中秋佳節，當然不少得「May姐月餅」，她說：「我希望平民化啲，價錢唔會好貴，因為我全為興趣，希望畀知音人欣賞。」
May指月餅去年只在廣州出售，但不少香港朋友希望能品嘗，故決定今年在港推出。她又讚寄賣店的老闆去年掏腰包，向她買月餅派給長者：「老闆好有善心，所以決定將月餅放喺度賣。呢度係舊區，感覺好有人情味，平時買海鮮都特登入嚟！」
文：馮雪怡
攝：司徒國榮
場地：屯門忠仔記