車車快閃自拍水着寫真
藝人張紫櫻（車車）早前放下ViuTV主持工作，到越南峴港進行4日3夜之旅，並帶同四套泳衣，莫非想影寫真集？她說：「我一直想影輯泳衣相留念，今次趁去峴港就特登帶腳架同遙控自己影！你睇啲相好似冇乜人，其實係晨早6點就衝落泳池影，只有救生員同三、兩個泳客，我專吼佢哋唔為意就快影幾張，依家睇到嘅相係我影咗勁多次，比較滿意嘅作品！」
車車又指此行遇上不速之「嚇」，她說：「其實今次係我嘅生日旅行，抵達嗰晚去咗餐廳食飯，但食食吓見有嘢飛飛吓，嚇到我縮埋牆角！後尾問侍應係乜嚟？佢話係蝙蝠！」
