李美琪炆排骨頂呱呱
東網巨星節目「百鶴年橄欖油特約」《星級煮意》廣邀一眾藝人大展廚藝，今集請來「牛雜妹」李美琪（Monnie）。Monnie除了牛雜外，原來對其他小菜亦非常拿手，今次示範「南瓜炆排骨」，自爆10歲時已入廚擔當小廚神。
為食得更健康，時興出「煮」意，Monnie自言從小被父母訓練廚技，10歲已入廚煲粥：「細細個時，爸爸成日抱我入廚房，睇佢煮嘢食，我第一次落廚係10歲，當時家姐病咗發高燒，爸爸媽媽又要返舖頭開工，屋企冇晒人，於是我就去煲粥畀家姐食，嗰陣我好細粒唔夠高，就企上櫈仔煮，咁最後都好成功，啲粥都冇燶到，爸爸媽媽都話好好食。」
勇字行頭乜都試
今次為《星級煮意》示範的「南瓜炆排骨」，Monnie話有獨特小秘訣：「我通常會將啲南瓜切大粒啲，因為就算炆得耐咗，啲南瓜都唔會溶晒，食落會有口感。」問到下廚心得，Monnie指要煮出一手好菜，離不開一個「試」字：「我時不時會嘗試去煮唔同嘅菜式，煮得唔好食嘅話，就再校吓啲味，試試吓自然會由失敗變成功，咁樣去累積經驗同埋學識煮多啲餸。」
落鑊次序要留意
對於Monnie嘅「南瓜炆排骨」，藍帶廚模蔣怡（Coco）建議醃肉時先加入豉油、鹽、糖等調味，之後再加入酒撈勻，用以辟除腥味，同時要留意落鑊的次序，因為每一樣材料熟的速度不一樣，所以應先炒排骨然後再加入蒜蓉及豆豉，南瓜亦應切得均勻，令口感一致。
《星級煮意》每集請來藝人、紅人示範不同菜式，並有名家提供心得，節目逢周四更新，大家可透過東網App、東網網頁收看及重溫。
https://goo.gl/1meJ9z
文：專案組