王曼喜拜下「峰」同阿妹冇得揮

提到好友鄧達智與男友陳梓欣明天舉行婚宴，她表示主人家要求封利是，夠環保，又表示若Kayla將來與同性結婚，她同樣會支持，Kayla即說：「冇理由支持朋友都唔支持自己個女。」Janet即解釋是兩回事：「支持朋友唔一定支持個女。而且一齊開心，結唔結婚都冇所謂。」

徐子珊自認情緒化

而徐子珊透露自己又再做學生，去了讀心理學碩士，會讀兩年。提到今屆港姐，她表示沒留意，問到會否教師妹面對傳媒？她自認情緒化，易喊又易開心，所以當年面對傳媒要花幾年才適應：「由零開始，好大壓力，（大到）個人都腫晒。（當年話你唔係實至名歸？）好難100分，贏唔到全世界認同，自己改進。」

王曼喜（右）和王麗嘉兩姊妹身材一樣咁好。	徐子珊坦言沒留意今屆港姐的負評。	已是第二次行騷的龍小菌，依然非常緊張。

龍小菌行騷嗌緊張

另外，歌手龍小菌和90年代玉女歌手黎明詩前晚出席會展舉行的《Fashion Hong Kong時裝騷》，龍小菌兼任模特兒行騷，大嗌緊張。而黎明詩透露會再為無綫節目《流行經典50年》演出，她近日因幫朋友拍攝美容平面廣告，積極減掉八磅，期望再減多五磅。

文：名人組