泳兒晒線羅力威怕生眼挑針

歌手泳兒及羅力威前晚在九展開騷，期間泳兒跳唱《擋不住的風情》時大跳誘人舞步，做出拗腰、擘髀等動作，之後她換上低V及露背透視長裙，微露事業線，抵死的羅力威即笑言不敢望：「費事生眼挑針！」他亦大騷琴技自彈自唱。受訪時泳兒大呻跳舞時條裙很重：「我着到膊頭紅晒。」

另外，談到羅力威女友雨僑大爆他原則上已求婚，羅力威即一臉認真說已是數年前的事：「唔結婚就唔同佢拍拖，我哋拍咗七年拖。（已求婚？）原則上、思想上同行動上都求咗。（佢應承？）冇唔應承即係應承。」談到雨僑指兩年內會結婚，他表示現時已有少少計劃。