嘉玲私伙紅酒冧醉任達華

影星劉嘉玲與任達華前晚於上環海旁，拍攝英皇電影《我的情敵女婿》。劇情講述兩人把酒談心，各執一支紅酒暢飲。作為影帝、影后級的二人，拍攝時豪放地大啖大啖飲，不消幾個Take導演就已收貨！雖然豪飲半支，但仍未見兩人有絲毫醉意。

市民狂集郵

未幾工作人員需要轉景，嘉玲就先乘車離開。而任達華就在路邊不斷被市民集郵，被問到是否邊拍邊飲真紅酒？他即大爆紅酒是嘉玲的自家品牌、私伙靚酒：「拍嗰陣咪飲囉！堅隊o架！依家唔飲住，一陣拍先再飲！」

二人在戲中互「隊」，不消幾Take已豪飲半支。

任達華指「嘉玲出品」必屬佳品。

風韻惹遐想

任達華及後接受電話訪問，笑指前晚拍完戲時已經將成支紅酒喝畢，大讚嘉玲的自家品牌與別不同。雖然二人相隔多年再合作，但默契仍在，簡單對戲幾句就順利完成拍攝，他笑說：「有醉意加上有美景，嘉玲就更有韻味，更有女神感覺！」至於可有後悔無追對方？他笑指：「留番啲遐想畀自己啦！」並謂最深刻的一場戲是二人吃油渣麵重逢一幕。據知二人將拍攝大場面的場口，會有更多交流，戲中亦會有電單車追逐戲。

文：影視組