Yanny慣性黑面啱做港女

「玩具大王」蔡志明千金蔡加怡與老公陳漢驄、蔡加讚與太太汪圓圓及組合Super Girls（SG）昨日出席手機應用程式發布會。陳漢驄表示籌備一年多時間及投資八位數字金額創立程式，概念源自從小喜歡打機的想法，創立香港第一個雙人直播，但坦言現時已沒有再打機，並表示會控制就讀K.2的三歲女兒玩手機的時間：「一日會分配30至45分鐘睇影片，發現佢鍾意作歌同睇書，記性好好。」
Super Girls三位成員Aka（左起）、Yanny及Jessica應邀出席發布會。
Super Girls三位成員Aka（左起）、Yanny及Jessica應邀出席發布會。

而蔡加讚夫妻前日為大女Celine舉行三歲生日會，送遙控車作禮物，蔡加讚為女兒似自己感到開心：「佢同我一樣鍾意籃球同車，但樣就似媽媽。」至於Yanny@SG重提日前被拍到要求男友買錶不成，食麵時黑面一事，她說：「其實我面容不嬲都咁，都好多人叫我笑多啲，但笑咗塊面又會肥。」更講笑自己想拍電影飾演港女角色，自言生活中不是這種人。

蔡加讚話囡囡個樣似晒汪圓圓。
  • 蔡加讚話囡囡個樣似晒汪圓圓。
陳漢驄投資千萬創立手機程式，老婆蔡加怡全力支持。
  • 陳漢驄投資千萬創立手機程式，老婆蔡加怡全力支持。