港姐冠軍「三代同堂」 網民激讚馮盈盈最索

馮盈盈（右起）上載與雷莊𠒇、麥明詩的合照。

昨日雷莊𠒇與亞軍何依婷、季軍黃瑋琦及上屆港姐冠軍馮盈盈到佐敦出席六福珠寶領獎活動，得獎佳麗合共奪得價值逾470萬元的首飾。馮盈盈以過來人力撐雷莊𠒇：「睇到啲評論好有親切感，好多鬧佢嘅說話上年我都承受過，好似一屆不如一屆，希望上屆連任。但係一年之後，大家開始了解、欣賞我嘅性格、真性情，評論已經截然不同。有人仲叫我連任，唔會啦！港姐呢個位唔易做，相信風雨過後就會放晴。」她不認同曾志偉形容港姐決賽「慘不忍睹」，只是加入新元素。

雷莊𠒇想去荷里活發展

雷莊𠒇連日來笑看網民嘲諷，但看到威脅家人的言論則感到失望：「啲評論可唔可以唔好咁苛刻？有啲好惡毒，好似話要我全家死就唔好！文化唔同可以有唔同諗法，但係呢啲意見去到世界各地人人都會覺得好差。我唔會嬲，對我冇影響，只係失望，父母都有擔心我嘅安全，佢哋知我好堅強。」對於網民激讚2017年國際小姐澳門代表麥嘉欣（Sofia Paiva）比她漂亮，她稱各人有各人的意見，但覺得自己亦靚。她又稱希望學習演戲，完成港姐合約後想到荷里活發展。

雷莊𠒇（左）當選港姐冠軍後是非不斷，馮盈盈坦言去年亦被網民批評。

何依婷（左起）、馮盈盈、雷莊𠒇及黃瑋琦昨日出席領獎活動。