美國才藝比賽真人騷《全美一叮》（America's Got Talent，AGT）昨日舉行首場準決賽，9歲香港「小巨肺」譚芷昀（Celine）的童星勁敵包括13歲的鋼琴少女Evie Clair與12歲腹語歌手Darci Lynne亦有份演出！
節目先播出Evie重病父親的片段，然後她上台自彈自唱Ella Henderson的歌曲《Yours》，場面感人。評判主腦Simon Cowell大讚她有膽識又淡定，而評判Heidi Klum與Mel B都派Like，Evie一度激動落淚！
而Darci繼上回合冧Mel B後，今次控制婆婆公仔，笑指婆婆要向Simon憑歌示愛，以腹語術唱出天后Aretha Franklin的歌曲《（You Make Me Feel Like）A Natural Woman》，更邊唱邊落台與Simon互動，獲全場起立拍掌致敬。Mel B與評判拍檔Howie Mandel齊指Darci好有機會贏！
至於將在下周三出戰準決賽第二回合的Celine，昨日在社交網上載機場照留言：「我到了LA繼續AGT比賽了！上星期要準備開學及練歌，大家幫我在Semi-Final打打氣吧！」而Celine所屬的hmv數碼中國集團發言人昨日回應：「Celine好畀心機備戰，日日同爹哋練歌。佢有睇其他參賽者嘅演出，覺得個個都好好，而且比上次有進步，所以佢會更加努力，希望大家可以一齊進步。」
文：外娛組