岑杏賢拍拖自己事唔畀舊愛知
藝人袁偉豪早前大方認愛港姐張寶兒，展開新戀情，其同為港姐的舊愛岑杏賢前晚出席香港貿發局舉辦的《國際名表薈萃交流酒會及晚宴》時，透露近日與藝人朱千雪在big big channel做直播節目《心理急救室》，因而認識了很多新朋友，她說：「識多咗朋友，對我做心理輔導有幫助，需要我幫手都覺得係開心事同有意義。（搵到啱未？）暫時仲未出現，但每一個認識都有機會，相處適合會自然啲。」她大方表示得知舊愛拍拖後戥對方高興：「我哋分咗手佢有權搵另一個，衷心祝福佢，戥佢開心多過心噏。」
唔使好姊妹介紹
對於袁偉豪早前的祝福，岑杏賢開心表示現在多了個朋友用另一種方式愛她，但問到若拍拖會否跟袁偉豪講？她卻說：「未必會，留番自己處理，唔好因為自己煩到人，佢又有自己工作，煩埋我啲嘢唔係咁好。（佢有女友所以唔方便？）唔知佢係咪唔方便，你問番佢。」問到會否叫好姊妹千雪介紹男生給她認識時，她說：「愛情交番畀自己處理最好，自己最了解。（急唔急？）唔急，屋企人都冇催，我又享受單身同工作，順其自然等佢自己發生好啲。」
陳貝兒：結婚是賭博
同場還有擔任司儀的藝人陳貝兒及前港姐張名雅，陳貝兒早前透露正在辦離婚，她表示獲很多朋友關心，現時並沒追求者，希望先努力工作，感情隨緣。由她主持的無綫節目《嫁到這世界邊端》日前首播，她透露拍攝時經已分居，而節目中講到結婚是一場賭博，她表示是有感而發：「人面對好多未知，未必100%睇得通透，要靠自己本能，好似賭大細咁。」雖然離婚，但她對愛情仍有憧憬，她相信一次不開心，不等於一世不開心。
文：名人組