造人冇成果徐濠縈宣布封肚
陳奕迅（Eason）老婆徐濠縈一直想趕尾班車追多個，昨晚她在活動上坦言雖然努力造人，但依然未能如願，加上很享受與女兒「拍拖」生活，決定封肚不再生。同場的名媛蔡一鳳則暗示有喜，指適當時候會公布。
徐濠縈、蔡一鳳與老公盛品儒、鄺文珣與老公應德榮、陳曉東、馬詩慧與兒子王躍穎等，昨晚出席香港貿發局主辦的Centrestage時尚匯展。阿徐被問到生B進度時，她坦言曾努力造人：「就算你好努力都唔一定有結果，我太鍾意周圍走同運動，同埋個女都大個，好享受呢個暑假日日對住佢。」她坦言不想再經歷懷孕階段：「我寧願玩蘇永康同車婉婉嗰個，都好過由頭生過，我都好享受自由嘅階段。」
同女兒「拍拖」
阿徐指女兒包包像伴侶：「有時Eason唔得閒，我同包包去旅行又瞓埋同一張床，好似拍拖咁，好開心。」提到日前Eason宣布10月舉行兩場音樂會，不足10分鐘已售罄門票，阿徐坦言冇留飛，但被朋友Call爆機。
穿低胸露腰套裝的蔡一鳳表示：「趁依家仲着到性感，所以着咗先。」問到是否有好消息公布？老公盛品儒代答：「到適合時間就會公布。」蔡一鳳坦言現時未出現身體不適狀況：「我每日都會早上5點起身，然後7點做健身，之後返工。（如果有BB會減少工作？）會呀，所以趁呢排努力工作，遲啲就唔得啦。」
鄺文珣開刀生B
懷孕第36周的鄺文珣表示預產期為月底，會開刀生B：「其實頭兩胎都係開刀，前兩日又好心急，我覺得個肚好低同係咁郁，所以都有啲擔心。」並冧爆稱老公親自煲湯給她滋補養生。
文：名人組