許雅婷打到周身傷 陳婉衡開槍險聾

「36E咪神」陳婉衡（Alycia）、少女標本成員許雅婷（Kabby）及「功夫新星」何佩珉等近日拍攝錢國偉網絡電影，眾女飾演好打女警，首次拍打戲的Alycia及Kabby訓練武術已搞到周身傷，到正式拍攝更一個險跛一個險聾！Kabby一雙美腿布滿瘀痕，認真慘情！她說：「到訓練時先發現之前玩打拳啲姿勢唔啱，要由頭練，已經搞到肌肉好痠痛！有一場戲要同春卷（王寶葆）對打，武指叫我哋唔好留手，結果我哋互相打到瘀晒！但最傷一場係我哋着高踭鞋狂跑，跑到對腳都冇晒知覺，我失足碌咗落樓梯撞親手(月爭)，好在冇斷骨。」但她表示愈打愈上癮，希望朝打女路線進發。至於Alycia同樣周身瘀傷，其中一場開槍戲更忘了戴耳塞：「過咗幾日隻耳仔仲聽到『瘟瘟』聲，有啲唔妥，如果再係咁就要睇醫生。」