林盛斌（Bob）日前在筲箕灣拍攝電影《西謊極落：太爆．太子．太空艙》宣傳片，笠住賊仔頭套的Bob親自示範「度水」真人騷，先去報紙檔及茶餐廳混吉，又當街當巷亂問途人攞錢：「幾蚊就得啦！我住貝沙灣，古天樂隔籬，可唔可以借幾蚊我搭車？」嚇到街坊雞飛狗走，更有短裙短髮美女鬧他「黐線」！
不過，有餐廳老闆終於給Bob十元，之後他向公園長者「埋手」，但被婆婆「神回」KO：「我攞生果金開飯咋，邊有錢借畀你呀？」Bob最後在公園跟地盤工友閒聊，工友體諒Bob處境，給他十元搭車。他對今次測試有很深體會：「本來以為香港人會很冷漠，但原來仲有好多人係好有同情心，好感動。」