新城DJ葉文輝（啤梨）於7月時在Facebook直播向拍拖4年的圈外女友Michelle求婚後，日前他和Michelle到婚姻登記事務及紀錄辦事處入紙申請結婚。啤梨昨日接受電話訪問時自爆瘀事：「我好低能囉，其實我唔知要入紙申請，以為結婚嗰日簽咗字就得，好在我女友提醒我。（咁大頭蝦？）係呀，咁證明我未結過婚。」
啤梨初定結婚簽字儀式於12月初假酒店或律師樓低調進行，明年才大排筵席搞喜宴，問他為何不同日舉行？他解釋：「簽字嗰日係好日，晚上已經訂唔到酒席，依家都努力搵錢，因為擺酒好貴，希望有贊助啦！」問到跟女友報稱同一地址是否已同居？啤梨說女友間中會到訪他家，只為照顧其愛犬，而非服侍他。