「戚住袋袋」唱K歌許廷鏗驚爆呔
歌手許廷鏗（Alfred）前晚於九展舉行加盟華納後的首個音樂會，以學生哥造型示人的他全晚獻唱其中學年代的大熱K歌。由於黑色長褲超貼身，他不停邊扯褲邊說：「條褲好窄，好驚爆呔。」期間他多度落台與歌迷近距離接觸，又拖實一名女歌迷合唱，而帶病上陣的Alfred唱到最後一首歌《青春頌》時，不慎失準。
騷後Alfred受訪時被問到有否「戚袋袋」？他尷尬地說：「好彩冇爆呔，焦點唔係放喺嗰度，我講唔出呢個字（戚袋袋）。」對於失準，他說：「我就唔覺，不過喉嚨真係唔舒服，唔係粒粒音完美就叫好聽，最緊要Enjoy個騷，呢晚我做到。」
