張振朗鍾意女仔有口音
藝人蔚雨芯（Rainky）昨日到九龍灣出席飲食活動，問到本身有投資冰室的她拍宣傳片會否有牴觸？她說：「冇，間間有自己特色，Partner冇詐型，而呢間餐廳個老闆識咗好耐，佢覺得我講嘢歪歪哋好得意，似越南人，今次拍片要講越南話。（難唔難？）唔算，學到啲食物名嘅越南話。（靚仔點講？）呢個唔識！哈！」
同場的張振朗表示起初以為Rainky是內地人，因其廣東話有口音，Rainky則解釋是長時間在北京工作所致。張振朗的緋聞女友陳芷尤是新加坡人，問他是否對有口音的女仔情有獨鍾？他冧笑說：「係幾得意嘅！（特別鍾意新加坡口音？）咩口音都OK啦！」
