樂基兒婚後造人歎慢板

名模樂基兒、周汶錡與Rosemary等昨日出席品牌活動，剛於上星期與男友Ian在美國結婚的樂基兒，婚後首度亮相時表示因婚禮後病足一星期，故計劃年尾才到非洲度蜜月睇野生動物。她又透露老公Ian今次一同回港，並會在港定居。問到何時造人？樂基兒說：「唔打算！順其自然，唔會刻意嘗試而有壓力，但隨時可以。（老公想唔想要？）我哋都冇所謂。」她表示婚後不會減少工作，反而忙於搞新公司：「會推廣瑜伽同健康，自己拍片下廚。（做KOL？）係！都有啲外國頻道傾緊。」至於前夫黎明可有送祝福？她說：「好似冇，因為冇留意香港電話。」Rosemary透露上星期原本出席樂基兒的婚禮，但因工作而要留港，周六則會出席鄧達智的婚禮，已買禮物但要賣關子。