名牌：幸正權遊船河享天倫

日前幸正權（Franklin）一家五口相約名模Ana R.及其女兒Maya到西貢遊船河，Franklin於十年前已考獲一級及二級駕船執照，其對船的熱愛，原來始於他早年在銀行界任職時，公司為員工提供遊艇出海，他坦言每次出海都會感到非常放鬆，能把煩惱統統拋諸腦後，自此便愛上大海。

首次駕船精彩難忘

直到2006年，他更購買了人生第一艘遊艇，他憶述時仍難掩興奮之情：「係一艘37呎長嘅一層遊艇，當年大約180萬，記得買到第一隻遊艇真係好興奮，覺得好自由自在可以周圍去。」Franklin更以「精彩」去形容第一次駕船的經驗：「當日我同太太開船去石澳，我叫太太去船頭嘅船艙休息，點知啲浪愈來愈大，我喺船中間開船，就唔覺得好拋，原來太太喺船艙就好似喺洗衣機入面咁拋！」他又指最初不熟海面情況，有次駕船時突然翻起大浪，一時間風起雲湧，令他大感徬徨，擔心不能帶家人安全返岸，幸最後有驚無險。

Franklin相當喜歡MCY 80流暢的外部線條與船體輪廓。	Franklin感染了家人都愛上遊船河，而囝囝Lincoln亦將投考駕船執照。	Irene表示一家人出海時會分工合作，她自己就會幫Franklin手睇位。

窩心度身訂造遊艇

Franklin對船的熱忱打動了太太及三名子女，他們即將投考駕船執照，而出海亦成為假日的家庭節目，太太Irene說：「一家人出海會分工合作，老公開船，我就睇位。最遠試過由香港駛到澳門及三亞，有時都會喺香港境內嘅海上過夜，平時小朋友會出街同朋友玩，但喺海中心冇得走，大家多咗時間傾偈，感覺好親密。」

前甲板娛樂區適合一家人耍樂，細仔Lincoln（左）、二女Antonia（中）及大仔Justin這天便和Franklin和Irene一起玩紙牌遊戲。	見囡囡Maya玩得開心，Ana R.表示將來會再帶囡囡遊船河。	Ana R.大讚船上的房間感覺舒適。

直至三年前，Franklin成為遊艇代理商，他稱當時到英國探望孩子，期間有幾天空檔，他到了英國及意大利參觀船廠，對蒙地卡羅遊艇（Monte Carlo Yachts）一見鍾情，他解釋：「佢哋嘅做船工序同其他品牌好唔同，佢哋先做船殼，房同廳喺外面做完再鑲嵌入去，呢種技術好先進，令我好驚訝！我返到香港之後就入股呢個品牌喺香港嘅代理商。」Franklin除了是代理商外，亦是蒙地卡羅遊艇的用家，他表示與太太為遊艇花了不少心思：「船廠有一隊意大利設計師團隊，你唔單止係買一隻船，仲可以參與整個設計過程，可以話係度身訂造自己嘅船，架船嘅房間間隔、機械方面嘅設計由我負責，太太負責美感方面，例如揀布料、顏色配襯等，船廠喺威尼斯有個Studio，有好多唔同布料、石材、木材任你揀，如果你唔去當地，佢哋可以帶嚟香港畀你揀，真係好貼心！」

Ana R.想探索離島

至於Ana認為遊船河相當有趣，她透露之前還擔心Maya會暈船浪，但想不到囡囡十分享受！她希望之後可以跟老公及囡囡出海到香港不同離島探索：「香港好城市化，但其實都有好多大自然資源，我覺得遊船河係一個好好嘅家庭活動！」

文：名人組

化妝﹕Karen Choi

髮型﹕Jay Yeung@Salon Amarone

服裝﹕Lisa Marie Fernandez from Lane Crawford