林敏驄打完阿Bob玩雨僑「雨雲」
藝人林敏驄早前於節目中以開玩笑形式掌摑林盛斌（Bob），估不到玩開有條癮，前晚於新片首映再度遇上阿Bob，竟於大庭廣眾「啪！」一聲打落阿Bob頭上，及後又揶揄打扮性感的雨僑帶「雨雲」出街，認真爆笑！
張繼聰、周柏豪、林盛斌、林敏驄及雨僑等前晚出席《西謊極落：太爆．太子．太空艙》首映。曾於無綫節目中掌摑阿Bob的阿驄，在活動上欲再度出手，阿Bob先說：「呢度銅鑼灣嚟o架，你夠膽？」沒料阿驄真的「啪」一聲打落阿Bob的光頭上，場面惹笑。玩上癮的阿驄未有因此停手，更轉移目標到雨僑身上，面對現場下毛毛細雨，雨僑僅穿吊帶低胸裙，阿驄即出言調戲，以「雨巢」稱呼她之餘，又取笑她帶了「雨雲」到場，認真抵死！
雨僑被問到是否經常被阿驄調戲？她說：「都係，頭先佢已經話我心口閃令令啦！」對於阿驄出名填詞叻，問到有否叫對方寫歌？她說：「佢係神級填詞人，真係唔敢講。（佢肯出手，你願意畀佢調戲？）都唔得，我會反擊，雖然對住佢實輸，好似之前宣傳，阿驄話冇帶禮物嚟，叫觀眾可以落去揸一揸我隻手。」
咀戲向男友備案
雨僑指稍後會與男友羅力威入戲院觀賞，問到男友可會包場？她說：「唔會。（咀戲叫男友唔好睇？）我有輕輕交代咗！同埋同公司有共識，話唔好太重點宣傳我嘅床戲同咀戲，所以海報唔會見到。」
另外，張繼聰日前為愛女張靖拍片時撞正對方嘔奶頓成焦點，他笑說：「又唔好咁講，但阿女真係好得意！因為之前開劇少時間湊女，所以佢唔係幾認到我，諗住上天台喊住飲啤酒o架，不過依家拍完劇多咗時間對住，見到個女望住我甜笑，真係好感恩。」而柏豪被問到可有生仔計劃？他說：「未有，順其自然！（同張繼聰取經？）係都搵阿Bob參考啦！」
文：影視組