「低頭族」陳法蓉碌出高球車

前港姐冠軍陳法蓉、白健恩、關禮傑與王賢誌昨日出席《歡樂滿東華.觀瀾湖高爾夫球慈善大賽》記者會,陳法蓉指活動是她今年首次正式落場打高爾夫球,但卻發生小意外:「我坐住高球車掛住玩手機,架車一轉彎,我成個大冬瓜咁跌落地,好在後面架車煞得切掣,但好肉酸,夜晚食飯成為笑柄。」另外,談到今屆港姐的賽果,她坦言有留意:「我喺社交網寫咗個Post,但引起罵戰,網民留言批評港姐肉酸,我覺得網民咁做唔太好、有攻擊性,唔想提供平台畀人攻擊港姐,所以最後刪咗Post。」又認為手執兩票操港姐生殺大權的鄭裕玲沒有問題。

王誌賢則指以往認為高球是長輩的玩意,故未有學習,現在要急起直追。明年榮升東華主席的他揚言會碌盡人情卡,將東華搞得有聲有色。