文青鬥辣妹 陳靜雯輸到暈范安妮嘴功！趾功！贏開巷

《東網Baby索晒戲》每集搵來多位索女穿上泳衣大激鬥，今集就請來「翻版何超蓮」范安妮及「嫩版蒙嘉慧」陳靜雯過三關，分別考驗口部、手指及腳趾係咪夠靈活，過程過癮又搞笑！

塞甜筒夾波子

第一回合先考「嘴功」，安妮與靜雯鬥快食甜筒再講急口令，起初兩女都慢慢歎，其後安妮愈戰愈勇狂塞甜筒入口，食到成嘴雪糕，難怪她笑說：「我擺到明冇偶像包袱啦！」先贏一分！

第二回合兩女則要唱住歌以筷子夾波子，30秒內鬥多，看似容易，但莫非90後少女都唔識揸筷子？成績相當嚇人！安妮唱住《IQ博士》夾波子，聲音夠可愛但指法麻麻，最後只夾到四粒！靜雯表現更離譜，唱住《數字歌》的她分唔到心夾波子，將筷子猶如鑊鏟般不停撬來撬去，最終只夾到可憐的一粒！她亦喊晒口說：「好似小朋友咁添！今晚要返去從頭學過揸筷子喇！」

陳靜雯手長腳長，敏捷度強。	蒙住雙眼出戰第三回合的兩女作狀咀嘴。	Round 1 食甜筒講急口令 安妮幫靜雯塞甜筒入口。

腿張開鉗物件

到第三回合「腳趾鉗物件」，兩女要蒙住雙眼在有大量雜物的盤中，以腳趾鉗出指定物件，盤中有骰仔、波子、衣夾、象棋、麻雀及鴨仔公仔等雜物，非常考驗腳趾觸覺及夾力！已輸兩局的靜雯懷着破釜沉舟的決心，奮力以腳趾狂摷物件，更投入玩到腿張開，最終成功鉗到三件，成績不俗！但安妮「趾功」更強，輕易鉗出五樣指定物件，成為大贏家！輸家靜雯向安妮請教如何練「趾力」，安妮搞笑說：「因為我成日食豬腳薑囉！」傻傻的靜雯信以為真：「原來以形補形真係得o架？」

Round 2 用筷子夾波子 兩位90後似乎都唔多識揸筷子。

Round 3 腳趾鉗物件

最後靜雯要接受大懲罰，自轉五圈再走向安妮，轉到暈陀陀的靜雯完全行唔到直線，場面搞笑！想睇兩位索女蝦碌大比併，記得黐實東網巨星睇片啦！

「胸」猛搶Fo牙擦擦

今集范安妮惡鬥陳靜雯，結果安妮贏足三個回合。熱愛運動的她最叻游水、打羽毛球及跳舞，難怪自言體能、反應及身體協調都不俗！她牙擦地說：「今次贏都係我意料之中，因為我爭勝心強，平時玩遊戲都贏嘅多，不過好彩唔係考記性，呢樣我麻麻哋。」

至於靜雯雖然皮膚白滑，但原來平日也喜歡運動，愛玩滑浪及躲避球，但面對「如狼似虎」的安妮，她亦自愧不如：「我平時玩Game不過不失啦！都會盡力，爭櫈仔嗰啲都會玩到最後，點知遇到安妮咁狼，搞到我都輸少少。」

Profile

范安妮（Cheryl）

年齡：22歲

三圍：34B、24、35

身高：1米65必殺技：體能滿分、玩Game最狠

陳靜雯（Shizuka）

年齡：23歲

三圍：33B、25、36

身高：1米70必殺技：手長腳長，敏捷度強

https://goo.gl/atMQpt

文：陳偉立

攝：吳文聰