黎耀祥極速交戲陳家樂焗「遲到」

藝人陳家樂、姜大偉及黎耀祥昨日於屯門拍攝無綫新劇《逆緣》，首次拍無綫劇的陳家樂直認起初不習慣：「每日嘅場口多，試過一日拍15場戲，平時拍電影一日得兩三場！」他自爆曾「遲到」令黎耀祥等了半小時：「有次我03開工，拍我嗰場之前拍姜大偉同黎耀祥，我同導演講，佢哋開始拍就通知我返嚟，結果佢哋只用20分鐘就拍完兩個鐘嘅戲，我先啱啱出門口，即刻飛車返去！」
姜大偉（中）與黎耀祥（右）首次飾演父子，雖曾多次合作但感覺不一樣。
姜大偉（中）與黎耀祥（右）首次飾演父子，雖曾多次合作但感覺不一樣。

黎耀祥對於老友曹永廉早前自爆入行辛酸史，他說：「佢有時會攞嚟開玩笑，不過見到佢咁努力有成績，好開心！」姜大偉雖為曹永廉的岳父，但表示待他如同事一樣，並說：「我對佢好客氣(口架)！（自己人嚴厲啲？）唔會，點知佢點對我個女同我兩個孫(口架)！」

陳家樂大讚兩位前輩好戲。
  • 陳家樂大讚兩位前輩好戲。