賴慰玲（Winki）和陳嘉寶同一日入紙申請註冊結婚，一眾好姊妹都相當興奮，孫慧雪昨日受訪時表示一早知Winki有結婚計劃，她開心說：「超級恭喜佢啦！原本近排想約佢，但我忙湊BB，又唔想佢咁頻撲，等埋蔡思貝再約見面。」她又表示知道陳嘉寶與男友感情要好，並祝福他們。
蔡思貝亦表示Winki已告知她喜訊，會送甚麼禮物給好友？她說：「我會直接問Winki，佢要咩我買咩。」至於陳嘉寶同日入紙，思貝笑說：「咁巧合？證明佢哋真係好姊妹！」而何雁詩得知兩位姊妹的喜訊即大叫好開心：「真係『雙喜過門』呀！知道Winki想低調，但就算佢唔請我，我都會踩上去同佢慶祝！」問會否被姊妹感染想閃婚？她說：「唔會喇！等工作上番軌道先。」劉佩玥對於姊妹的喜事則說：「其實邊日邊度搞都係兩對新人嘅事，最緊要佢哋開心！」