張繼聰贈蔡瀚億造人「口訣」
藝人蔡瀚億（BabyJohn）、張繼聰、林盛斌（Bob）、雨僑及鄭欣宜等昨日宣傳新片，BabyJohn否認做爸爸，他說：「阿Bob恭喜我，佢係『繁殖學會會長』，我都想呀，順其自然啦，有嘅會同大家講！」阿Bob對獲封「繁殖學會會長」感到十分榮幸！
張繼聰則分享生B口訣：「BabyJohn首先要多啲留港，其次要令太太放鬆，好多時『愈唔志在，愈有意外』，好多40歲愈想愈唔得，十幾歲好唔想就中！佢可以試吓同自己講『我十零歲咋，唔衰得o架，爹哋媽咪會鬧！』、或者『爹哋媽咪返嚟喇，唔可以畀佢哋知o架！』，可能即刻中添呀！」
