細場開騷谷碟心怯！ 陳奕迅唔捧新人驚開拖

歌手陳奕迅（Eason）昨日舉行《Eason Chan C'mon in~ 全球唱片宣傳發布會》，宣布將於全球18個不同地方舉行19場新歌音樂會，包括香港、內地、台灣、馬來西亞、新加坡、美加、歐洲等。其中香港站將於10月11及12日假旺角麥花臣場館舉行，門票今日公開發售，屆時Eason會完整將這張專輯內的十首新歌現場live演繹。

場數少掀炒風

受訪時，提到這次演出的場數及場地座位少，可怕引起炒飛潮？Eason說：「會炒o架？我唔諗呢啲嘢o架喇！我睇騷好彩啲，我有關係，易啲買飛。」表示已盡力爭取在香港開兩場，因他接着就要到其他地方演出，又說已很久沒有在細場開騷：「好掛住，之前百幾場都係以萬計嘅，今次想親近啲大家，之前都喺麥花臣做過，但真係驚o架！做開大場，忽然啲觀眾咁近，個心會怯，所以都有啲緊張。」

做唔到經理人

講到他自組的音樂工作室，Eason表示已成立6年，不過只得他一位歌手，最近他為內地歌唱節目《中國新歌聲》擔任導師，問到可會簽一些選手到他的公司？Eason坦言曾幻想過如何栽培他們：「但我知道藝人好麻煩，我自己已經好麻煩，所以我做唔到經理人，唔可以管理佢哋，分分鐘同佢開拖o架喎！」之前Eason因聲帶發炎，要取消台灣的宣傳工作回港休養，他澄清並非失聲，只是喉嚨太辛苦所以沒有說話：「好唔好意思，我係唔想病情惡化先取消，本身要拍MV都拍唔到，但為咗之後嘅一大串工作，就嗱嗱聲返香港抖抖。」

文：音樂組

攝：林蔚恩