恩師區瑞強撐開騷 詠詩靚聲抗負評
擁有一把治愈靚聲的歌手詠詩，多年來與恩師區瑞強在音樂上合作無間，近年成為對方演唱會嘉賓之一，由昔日唱一首歌到今時今日做埋個唱樂手。一直被區瑞強重用的她，將於10月13及14日假伊利沙伯體育館舉行《詠詩Vincie in Concert》處女演唱會，日前兩人即席Jam歌，盡顯默契，區瑞強更大讚詠詩有才華：「睇住佢成長，進步神速。」
身材惹談論
由於詠詩身材媲美同是唱家班的鄭欣宜，問有否因外形打擊自信心？詠詩說：「曾經喺討論區畀人話我身材，初時有唔開心，之後諗番，我係用把聲去感動人，最緊要用心去做好音樂。」成功吸納一班知音的她，坦言從中得到不少信心，她說：「我點唱都總會有人欣賞，有歌迷同我講，佢唔開心聽我唱歌就舒服晒，好多嘢睇你點睇。」
否認任經理人
區瑞強認為詠詩是時候開個人演唱會，他說：「佢唱咗十幾年歌，同好多歌手合作過，音樂經驗唔使擔心。」但否認是詠詩的經理人：「好憎做經理人，知道藝人心態，好多時會因為利益衝突搞到不歡而散，我真係冇為佢之後條路計劃。」
文：音樂組
攝：司徒國榮
化妝、髮型：Andrew Tsang