陳曉東生日 認性格有問題
陳曉東昨日42歲生日，三百名中港台及星馬等地粉絲為他在港舉行「陳曉東時間做證生日聚會」及歌迷會重組，有Fans送上巨型紅館Lego，寓意他早日在紅館開騷，深受感動的東東許願時表示，希望可盡快在紅館開個唱，在場Fans即連說三次：「快啲申請紅館成功！」
雖然尚未圓紅館夢，但東東率先報喜，表示已物色一個大型場地，並進入舞台設計階段，如未能在紅館開騷也可在大型場地先開個唱。另外，他含淚向Fans說心底話，指自己性格有問題：「有啲short short哋，但做藝人係幸運嘅，大家一路畀到我用錢買唔到嘅友情，係上天畀我最大嘅禮物。」