《閨蜜睡房》：林雅詩惹緋聞被囝囝逼供
性感女星林雅詩（Grace）以性感豹妹Look亮相東網巨星節目「海馬牌床褥特約」《閨蜜睡房》，已為人母的她以兒子為重，卻指兒子曾嫌她是雙面人：「個仔話我化妝同唔化妝個樣好唔同，佢鍾意我化咗妝個樣，話斯文同靚啲，我就覺得唔化妝個樣細嗰啲、惡啲。」
兒子年紀細，卻有管家的性格，不時上網看Grace的新聞及消息，有次更直問緋聞是真是假：「佢問馬天樂（緋聞男友）係邊個嚟，我同佢講係工作上嘅Partner。」婚姻中受過傷的Grace，拍拖、再婚都要先過囝囝一關，幸家人和囝囝都支持她另覓愛錫及能照顧她的人。
瞓覺鍾意畀嘢壓住
Grace自認是個很嗲的女人，當主持李惠儀（Kiwi）問如果男友不肯睡，怎辦？她笑說：「好三級，哈哈哈……我會攬吓、錫吓、按摩吓、呵吓佢！」她展示帶來的、肥肥黑黑的貼身物件熊本熊公仔，她說：「我好鍾意趴喺度瞓覺，有嘢壓住我仲好，我會攬住呢個公仔瞓，覺得好有安全。」
《閨蜜睡房》節目每周更新三集，大家可透過東網App、東網網頁，隨時隨地收看及重溫。
睇片：https://goo.gl/wy89Es
文：音樂組