ViuTV黃心美做電燈膽 帶視障人士暗中旅行
黃心美去年主持的《暗中旅行》真人騷節目反應極佳，ViuTV承勢推出第二輯，心美、吳日言和余逸思繼續帶領視障名人李軒、陳衍泓及尹漢彥暢遊關西、檳城及首爾。希望能超越上一輯成績的心美坦言壓力很大，曾經自我檢討，希望做一個開心的旅遊節目，雖然一再提醒自己要忍住淚水，但她自爆：「呢一輯喊得勁過上一輯好多！」
心美今次再與李軒去旅行，最大分別是多了李軒的未婚妻Umi同行。她笑說：「三人行我好似變咗電燈膽，上次要領路同負責各方面，所以好大責任，但今次就咩都交晒畀Umi。」早已跟李軒成為朋友的心美說：「上次我祝福佢搵到個人生聲音導航好好照顧佢，今次加埋Umi，我覺得係一個完美嘅結局。」
學做藝伎跳舞陪酒
心美親自操刀為一對新人在櫻花樹下拍攝婚紗照：「係極有難度，但李軒同Umi講過趁佢仲有一成視力，真係好想去睇多啲嘢，咁我可以為佢哋影呢輯相，畀佢哋睇到，我覺得好有意義。」
心美到京都學做藝伎，戴頭套和穿和服的她說：「個頭套好重極度辛苦，服裝又着咗好耐，又要學跳舞、學陪酒客玩遊戲，都好多學問，真心佩服啲藝伎，原來係一份高尚同好值得尊重嘅職業。」心美自爆此行有小插曲，因食物過敏導致上半身出紅點，又痕又辛苦，但仍頂硬上完成工作，才回港求診。
Yan讚視障人士細心
吳日言（Yan）與「傑青」陳衍泓的檳城篇令她感受很深，Yan表示最初接觸視障人士有點擔心，會忌諱講例如「盲」等字眼，所以初初很緊張，但熟落後跟她想像中是兩回事：「佢哋唔係平常人諗得咁脆弱。」她指視障人士很細心整潔：「反而我好大頭蝦，漏咗件褸同叉電器喺酒店房。」她又大讚陳衍泓專業，為拍攝節目添置新裝，雖然他們看不見顏色，但靠手接觸衫的圖案、花紋，從而跟她配襯出鏡。Yan說：「我好佩服佢。」她最難忘到農莊親近大自然及餵羊：「仲揸羊奶同試飲，完全唔羶，味道比想像中淡。」
《暗中旅行2》
播放時間： ViuTV 99台
9月18日逢星期一至五晚上10時
《中國新歌聲》
播放時間：ViuTV six96台
逢星期五晚9時10分
重溫時間：ViuTV 99台
逢星期六深夜12時
《賤民20》
播放時間：ViuTV 99台
逢星期一至五晚9時30分
文：音樂組