張崇基心慌慌怕激嬲商天娥
藝人商天娥與張崇基、張崇德兩兄弟將合演大型音樂劇《馬丁路德》，組合新鮮感十足。日前三人接受《娛樂onShow》訪問，崇基自爆友人得知他與商天娥合作後，紛紛叮囑他萬事小心，嚇得他直冒冷汗，但相處過後才發現商天娥其實是玩得之人，她更於訪問中大放笑彈！
商天娥於音樂劇中飾演平凡兼暗戀崇德的修女，而崇德於劇中則演基督教神學家馬丁路德，崇基就演一個比較激進的門生，三人首次合作，充滿新鮮感。日前他們接受東網巨星《娛樂onShow》主持余詠文（Angela）訪問，崇基竟自爆：「有啲人一知我同娥姐合作，已經話你小心啲喎，跟住就行開咗，嚇到我標冷汗。」商天娥即搞笑質問：「邊個講？應該咁講，如果我哋出發點係一樣，有要求，將件事做到最好，咁完全係冇事發生。」不過她亦直認若果對手做事欠缺認真、態度輕浮，她絕不會啞忍。
甩音難接
提到演出音樂劇最困難之處，商天娥坦言是唱歌：「甩一粒音唔知點接，台詞甩咗對方可以幫你接，就好似『係咪未食飯呀？』，原來我唔記得講我未食飯。」崇德即笑言：「你甩音我會唱埋你嗰段！」又謂：「其實最難係忍笑，所以要避視線。」
玩得之人
張氏兄弟又坦言經過相處之後，認為商天娥並不如外界所說「好惡」，她只是一個嚴謹的人兼且好玩得，不時放笑彈。崇德和崇基更大談父子情，想知道是甚麼？立即click入東網巨星收睇《娛樂onShow》啦！
https://goo.gl/sfU3QM
文：專案組