何依婷軟骨功搶鏡

今屆《香港小姐競選》決賽將於9月3日舉行，一班佳麗日前出席活動以兩件頭運動泳裝上陣，大晒健康美！期間，A何依婷俯身玩拉筋，展現過人的「軟骨功」時，胸前險失守走光。她接受東網巨星訪問，表示以後會加倍小心：「冇留意！之前試過泳裝啱身嘅，相信唔會走光，但之後着泳衣都會加倍小心，始終走光嘅觀感唔好。」此外，問到有否為決賽加緊練習？她直言一直在家「秘密練兵」，對鏡練習笑容及口才，以應付問答環節。問到口才不俗的她可有信心搶分？她笑說：「唔好咁講，要睇整體表現，都有信心。」