諸葛紫岐調理身子趕下年生B
名媛諸葛紫岐與Neway二少薛嘉麟育有一子，她一直希望囝囝有個妹妹陪伴，之前忙於工作的她連造人都沒時間，現終於許下承諾，積極調理身子，希望明年為薛家增添新成員！
娛樂公司老闆諸葛紫岐（Marie）、藝人苟芸慧及音樂人雷頌德太太梁家玉昨日現身護膚活動，Marie透露剛由日本工作返港。問她忙於工作，豈非沒時間造人？她笑言：「你講得好，我好快畀答案你。」是否暗示已有好消息可以公布？她否認說：「我今日仲係着高跟鞋，我係諗住下年生，依家都就快9月，所以咪話好快有答案。（開工未？）做緊嘢，我係指依家做緊嘢。（有冇補身？）正常咁食，我之前食咗好多中藥，睇咗好多唔同醫生，最緊要有健康生活。」
指家人相處融洽
Marie又透露兒子今年入讀幼稚園一年級，並早已開學，又稱囝囝喜歡讀書返學。對於有報道指她與前妯娌陳法拉都是圈中人，所以是非特別多？她強調家人相處融洽：「我哋一家人好開心，工作還工作，唔會講家事，盡量分開啲，因為老爺唔鍾意。」又指剛全家為丈夫薛嘉麟的爺爺慶祝96歲生日。
苟苟怨男友得把口
至於苟芸慧表示身上的打扮要先讓賽車手男友陸漢洋過目，以示尊重及免對方呷醋。提到男友曾揚言在賽車比賽奪冠便結婚，問到何時實踐承諾？她坦言：「呢一刻未有決定幾時行下一步。（即係開空頭支票？）呢個你哋要話佢。」
文：名人組