與陳嘉儀跳辣身舞鄧兆尊當碎料

藝人鄧兆尊昨日在荔枝角為o靚模陳嘉儀寫真集記者會撐場，兆尊與34D火辣身材的陳嘉儀跳辣身舞亦定力十足，他笑說：「唔係好辣身啫，我平時接觸都係咁上下。（女朋友們吃醋？）所以咪唔嚟囉，相形見絀。」兆尊又自爆近日撞傷嘴，笑言可藉此避開與女友們錫錫。問到家族近期是否出售物業？他笑說：「冇，我銀行戶口都冇進帳，唔理喇。」而陳嘉儀的寫真有不少尺度大膽的性感相片，她說：「有啲好踩界，真空、透視、全祼，送嗰本細書仲激，自己都唔好意思睇。」