楊卓娜讚妹夫羅仲謙浪漫

藝人楊卓娜與女兒楊舒然、傅家俊與太太及兩名女兒、沈慧林（William）等昨日出席萬希泉海綿寶寶系列產品發布會。楊卓娜胞妹楊怡昨日生日，但因楊怡在內地工作未有時間慶祝，提到楊怡在社交網站有感而發指少了浪漫，似對老公羅仲謙有所暗示，楊卓娜即大讚羅仲謙好甜蜜浪漫，只因二人最近好忙，並謂中秋節要一家人慶祝都好難夾時間，最希望約家族旅行，更笑說：「要同楊怡經理人講，接少啲工作，佢嘅工作就畀晒我，我可以頂十年八年。（過幾招生仔秘訣畀佢？）唔使，佢同媽咪一齊住，媽咪仲叻。（媽咪心急抱孫？）佢好鍾意小朋友，但就唔心急，知道佢哋有計劃，靜待佳音。」