黃心美笑馬國明年過半百
藝人黃心穎與胞姐黃心美昨日出席電訊活動，在台上演趣劇，心美趁機狠狠地拍了妹妹的頭一下。心美受訪時，澄清與心穎緋聞男友馬國明的不和傳聞，更高度讚揚對方：「有次我喺活動見到佢，佢等埋我round up先落台，對司儀有份尊重，所以我對佢印象好好。」更對着妹妹揚言：「如果你同佢係真嘅話，我會祝福你哋。」
問到會否想妹妹快點搬出去？心美坦言：「我發脾氣嗰時會叫佢搬走，之前同佢鬧交，佢話下個月搬出去，我放長雙眼睇佢幾時搬。」記者笑指心穎出嫁自然會搬，心美即謂妹妹今年才28歲：「我唔介意佢爬我頭，我婚都離埋，當年結婚都係28歲，以我經驗嚟講，唔好28歲就結婚，我當初結婚都唔知為乜，等佢腦囟生埋先。」記者指馬國明已經一把年紀，不能等太久，心美即抵死地說：「你哋唔用年過半百呢個字已經好好。」心穎直言結婚不應受年齡限制，亦難計劃太多。
