歌手陳慧敏昨日到電台宣傳新碟，講到澳門受風災嚴重影響，身為澳門人的她表示好彩，當日爸爸及哥哥衝去停車場救車：「佢哋好快搞掂後上返嚟屋企，幾分鐘後就海水倒灌，屋企樓下都有水浸。（屋企有冇停水停電？）今朝有番少少水，電七七八八都有。」又謂昨日其實不想來港工作：「因為想留喺澳門幫手做義工，其實我聽日喺香港都有工作，但又想返澳門幫手，所以考慮緊返唔返去。」
