黃耀明黑暗獻唱冇得出貓

歌手黃耀明、林二汶及余迪偉前晚出席黑暗音樂會，黃耀明表示已參與該活動多年，但今年有些特別，就是與觀眾一起在黑暗中跳舞，問他可有一起跳？他笑言：「我有冇跳大家都睇唔到，有伸吓懶腰嘅，唔郁嘅話，狀態攰得滯會好易瞓着，所以我唱歌都會起身。」問他是否已對黑暗沒有恐懼？他笑言最怕忘記歌詞：「最緊張係冇得出貓，平時都有得望吓地下或者望吓隻手，但係依家乜都冇。」