龔嘉欣約少婦聯盟夜蒲老蘭
藝人龔嘉欣（Katy）和陳展鵬前晚以嘉賓身份現身蘭桂坊夜店。名正言順Clubbing的Katy透露早在4、5年前夜蒲時，幾乎零男士埋身，單身已久的她覺得工作辛苦，有意夜蒲放鬆一下，更揚言準備相約與一班藝人好姊妹自組的「少婦聯盟」夜蒲，她說：「之前其實我哋『少婦聯盟』（陳凱琳、譚凱琪、沈卓盈）有密謀一齊去蘭桂坊，後尾諗4個一齊去怕麻煩到人，今日做VIP就方便啲。」但她表示不會在夜店主動識男仔，又自爆酒量差，雖然爹哋自小訓練她與妹妹練酒量，但自己飲一杯便會瞓覺，反而妹妹好飲得，笑言將來擇偶要加個條件就是要識飲酒，可以保護自己。
陳展鵬重着戰衣
同場的陳展鵬日前被指身上的黑色外套不合潮流，前晚他再穿該外套示人，並說：「件衫今年o架喎，可能個品牌比較Vintage同我着得唔好睇啦，所以我專登再着多次。每個人都有自己鍾意嘅嘢，如果成日跟住人着衫就冇意思。（認同自己品味？）各花入各眼，潮流要慢慢浸。黃偉文講過『有啲嘢唔可以錯，着衫可以錯』，着得唔好睇咪下次着好啲，同埋我只係演員，喺Fashion方面唔係咁叻，希望盡量出席活動時迎合多啲。」
問到平時女友會否幫襯衫？他說：「都會，唔只女朋友，我媽咪都係審美眼光好重嘅人，有時都會問佢着成點。」
文：名人組